KLIK HOTSAK
Datorren ekainaren 25ean, Zaharraz Harro jaien barruan, erakusketa berezi bat bisitatzera gonbidatzen zaitugu, lan kolektibotik eta sarritan ikusezin bihurtzen diren gazteen ahotsetatik sortua.
Sareak Josten plataformaren eta UPV/EHUko Lan Harremanen eta Gizarte Lanaren Fakultatearen artean egindako Ikerketa-Ekintza-Partaidetzako (IAP) prozesu baten emaitza den argazki-erakusketa da. Hainbat hilabetez, Gasteizen bizi diren lagun gabeko gazte migratzaile horien ondoan ibili gara, haien bizipenak ezagutzeko, haien kontakizunak entzuteko eta haien errealitateari buruz elkarrekin hausnartzeko.
Irudien bidez, erakusketa honek estereotipoak hautsi nahi ditu, jasaten dituzten estigmak ikusarazi, eta, batez ere, neska-mutil horien balioa, indarra eta duintasuna aitortu. Ez da soilik ikustea, baizik eta begiratzea, gizarte gisa zalantzan jartzea, elkar entzuteko eta zaintzeko espazioak irekitzea.
Gainera, Arabako Argazkilari Elkartearen laguntza izan dugu erakusketa aurrera eramateko eta asteazkeneko dinamikan banatuko ditugun fanzine “sorpresa” batzuk egiteko.
Gogoratu nahi dizuegu proiektu honek Elkarlan 2024 sarietako bat jaso duela, balio publiko partekatua modu berritzaile eta parte-hartzailean sortzen duten ekimenak bereizten dituen saria. Sariak prozesu horrek pertsonak eta kolektiboak ahalduntzeko duen ahalmena nabarmentzen du, baita beste testuinguru eta lurralde batzuetan aplikagarria den herritarren partaidetzarako jardunbide egokien eredu izateko duen ahalmena ere.
Horregatik, ekainaren 25ean, asteazkena, 17:30ean “El Farolon” -en parte hartzera gonbidatzen zaitugu.